Darna book plan that may never see the day.

DARNA 50th anniversary 

(story by Gilbert Monsanto)

50-page book that I planned to do. 

6- 10- pager stories in one book.

 1^st Story “KAIBIGAN”

Sa isang madilim at delikadong parte ng siyudad, sa isang abandunadong kubo, isang sigaw ng saklolo ang  pumutok sa gitna ng gabi. Tinig ng isang babaeng nasa panganib. Ngunit ilang saglit lang ay napalitan iyon ng mga tinig ng ilang lalaking tila isa-isang nagagapi.

Isang barangay tanod ang nagusyoso sa kaguluhang nangyayari. Nagulat ito sa nakita, halos kalahating dosenang kalalakihan ang isa isang pinababagsak ng isang babae, ang babaeng nakilala ng lahat bilang si Darna. At sa isang tabi ay isang babaeng halos hubo’t hubad, halatang pinagtangkaang gahasain ng mga ulupong.

Isa na lang ang natitirang nakatayo, at handa na itong patikimin ni Darna ng kamao subalit saglit itong natigilan… “ Bong?”

Baliktanaw, Nakikita natin si Narda sa isang iskwelahan, High school siya, sophomore. Makikitang kasama niya ang isang kaibigang lalaki, ito si Bong noon.  Tahimik, simple lang at malungkutin. Naguusap sila  at napagalaman niya na mula ang binata sa hiwalay na pamilya. Parating may nagiimbita sa binata na sumama sa isang Fraternity. Noon, di niya pinapatulan, hanggang sa isang araw siya ay nakitang bugbog sarado sa labas mismo ng paaralan. Kaya sa muling paghikayat sa kanya ay sumama na ito, proteksiyon daw.

Ilang linggo lang ay agad nagbago si Bong. Hanggang sa di na ito pumapasok  at naiwanan na lang si Narda na nanghihinayang sa kaibigan. Isang gabi handa na sila ni Ding na magtinda ng sampaguita. Nakakakita sila ng kislap mula sa langit, maliit ngunit napakaliwanag na ilaw ang bumagsak sa kanilang harapan. At sa kanilang pagkamangha ay isa pala itong napakakinis na bato na may nakaukit na mga titik na tanging si Narda lang ang nakabasa. “Sa pagsubo ng Kapangyarihan, Katarungan sa lahat ng naaapi, DARNA!” Pinilit ni Ding na isubo ng ate ang bato at sa pagsambit ng Darna ay nagbago na ito ng anyo. Simula noon ay sikreto na silang tumutulong sa mga naaapi.

At narito na siya sa pagkakataong ito, di siya makapaniwala na magkakaganito si Bong, lango sa pinagbabawal na gamot at tila nagsa-asal hayop. “ Sige,… ani ni Bong. Tapusin mo na ang paghihirap ko, ayoko na ng buhay ko kaya dapat lang na tapusin mo na ako.” “Makinig ka Bong, ilalagay kita sa Rehabilitation Center, at doon  ay magsisimula ka ulit para maituwid mo ang iyong pagkakamali.” Bulong ni Darna. “ Ako? Sino naman ang magbibigay halaga sa isang tulad ko? Wala akong maisip man lang ni isa, na magbibigay halaga sa akin, wala.” Nakatitig lang si Bong, at di mawaring naluluha. “ May isa akong kilala Bong… Ang kaibigan mo, si Narda. “ natigilan si Bong. “ nilayuan ko siya, hindi ako karapatdapat na maging kaibigan niya. Nahihiya ako sa kanya.” Tila natauhan at tumahimik na lamang parang naintindihan nito na mali ang iniisip niya sa kanyang sarili, meron pala siyang halaga  kahit sa iisang kaibigan, si Narda.

Lumilipad si Darna, tila nagiisip. Ngayon niya lubos na naintindihan na nasa pagpili ng tao ang daan tungo sa tamang landas o sa isang madilim at kawalang pangasa na buhay na puno ng kasamaan at paghihirap. Sana ay muli niyang matutulungan si Bong upang makabangon.  At lalo pa niyang ipagpapatuloy ang pagtulong sa kapwa at pag pigil sa mga elemento ng kasamaan, bilang si Darna.

End of Chapter 1

KUKO NG BABAENG LAWIN

2^nd Story

            Bali-balita sa buong bayan ang gabi-gabing pamamaslang ng isang di nakikilalang nilalang. Ayon sa iba, isa daw itong higanteng lawin. Dahil dito ay nagibestiga si Darna sa lalawigan. Napansin niyang marami ngang Lawin sa bulubundukin nito subalit walang higante. Hanggang sa matunton nito ang isang malaking bahay sa tutok ng isang burol. Doon, nakausap nito ang isang siyentipiko.

  Lasing ang may-ari ng bahay at dahil sa kalasingan ay nasabi nito ang isang nakakagilas na kwento. Siya pala ang nabalitaan noong baliw na Doktor Lucio, ang taong bumubuhay ng bangkay. Dahil sa takot ng baryo sa kanyang ginagawa, sinunod nila ang tahanan nito subalit di alam ng lahat na sa loob niyon ay ang nagiisang nitong anak na si Armida, pinakamamahal niyang si Armida. Lumayo si Lucio at napapadpad sa burol na ito na pinamumugaran ng mga Lawin.

            Isang araw nagising na lamang siyang may Malaking Lawin sa kanyang harapan at sa paanan nito ay isang sanggol, tila inaalay sa kanya. Doon naisip ng Doktor na bumalik sa kanya ang kanyang Armida bilang isang Lawin upang sa takdang panahon ay isa-isang nitong dadagitin at papatayin ang mga taong umapi sa kaniya. Sa karunungan nito sa siyensiya , Nilagyan niya ng katangiang mala- lawin ang bata, Matalas na mata, magaang na buto at mga kuko sa paang pandagit sa mga kaaway nila at artipisyal na mga papak upang makalipad.

            Hinanap ni Darna ang kanyang anak subalit bago pa man nakapagsalita ang Doktor, nandoon na ang babaeng Lawin, si Armida. Pilit ipinaliwanag ni Darna na mali ang kanyang ginagawa at wala sa sariling ulirat ang naturingan nitong magulang. Subalit lalo lang nagalit si Armida at sinugod si Darna, sa himpapawid sila nagbuno.

            Sa ibabaw ng baryo napagpatuloy ang laban, sinabi ni Darna na kung totoo lahat ang kwento ng amain nito ay kilala niya ang  tunay nitong magulang , ang nagmamayari ng kwintas na suot-suot niya mula pa ng pagkabata. Pinagamit niya ang matalas nitong mata upang tignan ang isang babae sa ibaba at naroon nga ang isang ina na may kwintas na tulad ng suot ni Armida.

            Natigilan si Armida, pagkuwa'y sumigaw ng napakalakas at lumipad ng matulin tungo sa bahay ni Doktor Lucio. Sinundan ito ni Darna at nagulat siya sa kasunod na nakita. Ang gutay-gutay na katawan ni Lucio. Hindi matanggap ni Armida na ang lahat ng paghihirap niya sa mga experimento ng naturing ama at ang ang paghihiganti nito ay pawang kasinungalingan ang buhay niya ay isang malaking kasinungalingan. Lumingon ito kay Darna, " Gusto kong makilala ang tunay kong Magulang. Susuko na ako."

            Minsan gaano man sikaping baguhin ang kaanyuan at bihisan ang isang nilalang, isa lang di tuluyang mabubura sa kanyang kabuoan, ang katotohanan.

End of chapter 2

 

3^rd Story: PUSO NG ISANG TUOD

            Sa isang kasalan maguumpisa ang ating kwento, Ipinagsabay ito ni Lucifera sa kanyang 18th kaarawan. Hindi lamang iisang kamalian ang matutunghayan nating sa pagtitipong ito. Umiiyak at takot na takot ang ina nitong si Martha, parating nakatingin sa orasan. Ang malungkot na mukha ng kapatid nitong si Angela, sa dahilang ikakasal ang kanyang ate sa lalaking pinakamamal niya. Si Rodrigo ang groom ay blangko ang pagmumukha, di makapaniwalang ikakasal siya sa babaeng napilitan lamang siyang panagutan dahil sa isang aksidente. At si Lucy? Kahit na nakangiti ay di kailanman nabensiyunan sa simbahan dahil sa isang kasunduan ng kanyang ina upang sagipin ang kanyang buhay. Kasunduang sa araw na ito ay magiginga kampon na siya ng kausap ng kanyang ina, isang kasunduan kay SATANAS!

            Bigla na lamangdumilim ang paligid, kumulog, kumidlat at sa pagdating ng isang napakalakas na hangin ay isang nakakakilabot na halakhak. Doon nagsimulang magbago aanyo ni Lucifera. Tila ang mala-manikin nitong kutis naging isang tuyot at magaspang na Tuod. Nanlisik ang mga mata nito at tila wala sa sarili ay inihagis ang pari sa isang pader. Subalit nang makita nito si Rodrigo, parang natunaw ang puso nito at tila napahiya sa kanyang kaanyuan, mabilis nitong nilisan ang simbahan.

            Ilang araw na ang kararaan at laganap na sa balita ang mga biktima n Lucifera. Ang bawat biktima ay namamataang nakatirik sa lupa tila isang halamang natuyo sa init ng araw. Kailangan kunin ni Lucy ang katas ng bawat biktima nito upang manatiling buhay.

            Isang bata ang namataan ni Lucy na nakikipaglaro sa kanyang mga kaibigan. Hide and seek ang laro at siya ang taya. Habang nagbibilang ito, di niya namalayan ang paglapit ng babaeng tuod. Sa paglingon ng bata natakot ito sa nakita. Subalit nagkamali ang babaeng tuod sa bibiktimahin, sapagkat ang batang ito ay si Ding at pag nandiyan si Ding di malayong nandito rin si Darna! Bigla ang dating ni Darna, pinigilan ang pagdampot sa bata.

            Pinulupitan ng mga tuod si Darna, pilit pinipisa ang buhay ni Darna pero ang katangiang lakas ni darna ay sadyang di mapantayan. Bumuhos ang malakas na ulan. At habang nagsasagupaan ang dalawa dumating si angela na may kasamang pari. Habang pinipigilan ni Darna ang babaeng tuod ay binendisyunan ng pari ang mismong ulan na bumubuhos sa kabuoan ni Lucifera. Biglang natunaw ang tuod nitong kaanyuan at nagbalik siya sa pagiging tao. Pinagsisihan ni Lucy at pinatawad na siya ni Angela sa anumang pagkakamali nito. Subalit sa galit ni Satanas tinudla nito ang dalaga ng isang kidlat, kidlat na hinarangan ni Darna. Ilang beses pa at hinarang ni Darna lahat ng ibinigay ni Satanas sa kanya. Hanggang sa mabuo ng pari ang orasyon upang mapaalis ang masamang sumapi sa dalaga.

            Natapos na ang unos, kapalit nuo'y katahimikan at isang hudyat ng pagpapala, ang bahag-hari. Isang bagong simula para kay Lucy. Buhat buhat ni Darna si Lucy sa himpapawid, inilalapit sa grasya at liwanag ng panginoon, nakangiti ang dalaga. Nabunutan ng tinik sa kanyang dib-dib.

End of 3^rd chapter

Pag-Ibig at Tungkulin

4^th story

            Sa Himpapawid, dalawang pambihirang nilalang ang naglalaban. Lingid sa kaalaman ng marami, kailan lamang ay naging magkasintahan ang dalawa. Si XART, dayuhang mula sa malayong planeta. Nagpanggap na tao bilang si Raul,.  Si Darna naman, dahil sa kalungkutan ay nagbago ng anyo bilang si Daria. Hindi makapaniwala ang dalawa sa nagyayari sa kanila, at kahit na ayaw nilang magkasakitan ay patuloy silang tumutupad sa kanilang tungkulin.

            Isang linggo and nakalipas nang maramdaman ni Darna ang pangaasam ng isang pagibig na kailanman di niya nararanasan, dahil sa pambihirang kakayahan ng tagapagtanggol ay wala itong makitang lalaki na may lakas-loob na lumigaw sa kanya. Dahil dito, naisipan nitong gamitin ang isa pang kakayahan na ngayon lamang niya sinubukan ang pagpapalit-anyo. At siya ay naging si Daria, kagandahan ni Darna sa isang katawang taglay ni Narda , ang isang pangkaraniwang tao.

            Dahil sa katauhan niyang ito ay marami ang lumigaw sa dalaga, subalit iisa lamang ang nagustuhan ni Daria, at iyon ay si Raul. Subalit si Raul ay may isang sekreto, ang tunay nitong misyon bilang isang dayuhan na bumibihag ng mga tao upang eksperimentuhan at palitan. Si Daria ang bago nitong biktima.

            Subalit may isang di inaasahang kaganapan ang tumumbad sa dalawa, sila ay umibig. Walang magawa si Raul kundi sundin ang kanyang tungkulin at dinala nga niya ang dalaga sa kanilang sasakyan, naroon natangpuan ni Daria ang iba pang bihag kasama na doon ang tunay na Raul. Iyon ang pagkakamali ni XART. Nagsaanyong Darna si Daria at nagsimula na ang pagliligtas sa mga bihag. Isa-isang nalipol ang mga dayuhan at si Xart na lamang ang naiwan, nakasalalay sa kanya ang pagpapasabog sa buong planeta, kapag ang plano ng pagdarakip ay di maging tagumpay, balik tayo sa unang eksena.

            Ilang beses nang tinudla ni Xart si Darna, subalit di pa rin nito tuluyang magapi ang dalaga. Sa totoo lang ay hindi magawa ng dayuhan ang ilagay sa pinakamalakas na antas ang kanyang sandata, dahil umiibig pa rin ito kay darna. Gayun din si Darna sa isip ni Darna ay kaya nitong patumabahin ang kaaway sa isang suntok, nagpipigil ang dalawa. Sinubukang kausapin ni darna upang sumuko ang planetman subalit tapat ito sa tungkulin, at iyon ang di mapapahintulutan ni Darna.

            Dahil sa paglalaban, nasira ang isang aparato ni Xart, ito ay sasambulat at sa lakas ng pagsabog ay kayang gunawin ang daigdig. Sa paglapit ni Darna kay Xart ay si Daria ang kaniyang naaninag, pinagtapat nito ang tunay niyang damdamin at ang paparating nilang wakas. Inutos nitong ihagis siya ni Daria sa kalawakan kung saan magigng ligtas ang pinakamamahal nitong si Daria. Mabilis na dinala ni Darna si xart sa laba ng daigdig at inihagis ng pagkalakas tungo sa kawalan. Sa pagsambulat ng Planetman ay tumilapon si darna pababa sa planeta.

            Pagbangon ng dalaga, natanggap na nito ang pagkakamali. Para sa kanya, sa pagkamatay na si Xart, patay na rin si Daria. Napagalaman niya rin na di kailanman niya kailangang limutin na narito pa si Narda, kailangan niyang dumaan sa tamang pamamaraan ng paglaki at pagkakatuklas ng isang tunay at wagas na pag-ibig.

Sumigaw siya ng Narda, at lumabas na muli ang dalagitang si Narda, luhaan at naaawa sa sinapit na hinanakit sa damdamin ni Darna      

     

5^th story: VALENTINA!

            "Ako si Valentina, Diyosa ng mga ulupong sa Daigdig. Bakit ako nagkaganito? Bakit?".Ipakita nating nakabaligtad si Valentina, nahuhulog siya nito sa bangin pero di pa natin ipapaalam ng lubos. "Bakit ninyo ako pinabayaan Ina? Ama?  Pati ang pinakamamahal kong edwardo? Tinawag nila akong babaeng ahas subalit sila ang mga AHAS!"

            "Eeee! Ahas may mga ahas ang iyong Anak!" Baliktanaw nung pinanganak si Valentina at natakot ang Hilot. "Walang makakaalam nito nanang , pakiusap." Ani ng tatay niya. Subal;it di na talaga makakaabot ang balita subalit sa bago pa man makauwi ang hilot ay nilingkis na ito ng isang sawa, tila alam ang balak ng hilot. Dumaang ang panahon at nagawang ilihim ng magasawa ang sikreto ng anak, subalit dahil sa kagandahan ng Mukha ni Valentina, di maiwasang di makilala siya sa buong kabayanan. At di naglao't marami na ang balak lumigaw sa dalaga.

            Subalit sa dinami-daming manliligaw ni Valentina, tanging si edwardo lamang ang napupusuan niya, si edwardo na ang pagtingin sa kanya ay isang malapit na kapatid lamang. Hanggang sa dumating ang malagim na gabi, Isang anak ng alkaldeng makapangyarihan ang pumasok sa bahay nila kasama ang mga armadong tauhan, pinilit maangkin ang dalaga, dahil sa pagpipiglas ng dalaga, natanggal ang panakip nito sa mga ahas niyang buhok, Hintakot naagwala ang lalaki at naglabas ng baril subalit huli na, narinig na ng mga ahas sa gupat ang panaghoy ng dalaga at sinaklolohan siya. Ubos ang mga taong armado, pilit pinasuko ng magulang niya si Valentina dahil nakapatay ito ng tao , doon lumabas si kobra ang matandangsawa na may ulo ng tao, at dahil sa pagkutya nito ay napatay niya ang kanyang magulang.

            Magisang namuhay si Valentina, subalit nalaman din ng baryo ang kanyang kaanyuan dahil sa iisang tauhan na nakatakas nung gabing iyon, tinugis si Valentina at napilitang mamundok, gumanti siya at nilipol ang buong Baryo, at dinala si edwardo sa kanyang tabi. Tumakas ito ngunit madali ding nabawi sa kundisyong hindi papatayin ang tunay na kasintahan, doon na siya nasundan ni DARNA!

            At Nagtagisan na  ng LAKAS dalawang diyosa.(Fight scenes) Subalit sa huli ang katarungang pinanghahawakan ni Darna pa rin ang nanaig. "Ipagpatawad mo ang pagkukulang ng mga tao Valentina, kailanma'y di dapat maging basehan ang pagkakaiba ng itsura ng isa't-isa ang paghusga at pagtrato sa kanya. Mapaputi man ang balat o maitim, kailangan pa rin tayong makipagkapwa-tao. Kaya ibinibigay ko ang aking kamay sa iyo, hayaan mong tulungan kita na maintindihan nila na tao ka pa rin, kaya ka nasaktan ay dahil tulad ng Tao ay may PUSO ka rin. Katunayan nitong tao ka Valentina Tao!" Pakiusap ni Darna. " Salamat Darna at binuksan mo ang aking pagiisip, subalit huli na ang lahat para sa akin, mapatawad man ako ng tao at sana'y pati na ang diyos… Di ko mapapatawad ang aking sarili." Pagkatapos ay lumundag ito sa isang bangin kung saan nakaratay ang bangkay ng kanyang mga magulang.

            "Ito na ang aking katapusan. Valentina ako'y pinangalanan, tama lang na ako'y pumanaw na tumitibok ang puso at hindi baon sa galit. Ngayo'y tunay na akong malaya." Ipakita na nahulog na si Valentina, kahit na bali na ang katawan nito maganda pa rin ang mukha nito, ang kagandahan na walang kupas ang mukhang VALENTINA.

            Sa pagkakataong ito… LUMUHA si DARNA!

End of chapter 5

6^th Story:  Kwento ni Ding

            “Gabi muli sa Siyudad, Magkakasama na naman kaming magdadala ng mga Sampaguita sa kalsada.“  “Sabi ni Ate Narda, ito raw ang pambansang bulaklak pero bakit kaya ganun? Pag lumalapit kami sa mga kotse, di man lang kami pinapansin?” Ipakitang may mga bata na naghahati hati ng mga panindang bulaklak kasama na dito si Ding at isang dalagita na si Nena.”Ito namang si Nena ay panay mga lalaki ang bumibili minsan gusto pa siyang isama.” Ipakitang  kinakausap si Nena ng mga mukhang goons na huminto sa stop light. “ Buti na lang, nadirito parati si Ate Narda. “ Nena ani ate, hinahanap ka na ni Nana Seling mo!” “ At Mama! Sabi pa niya, Naka GO signal na po! Baka mahuli kayo ng pulis!” Sabay harurot ng Kotse wari’y galit sa Dalagita.

            “Sari-sari talaga ang kwento dito sa lansangan, Tulad ni Mang Arturo. Parati niyang dala-dala ang isang sapatos na di pa gamit, di naman kasya sa kanya.” Isang lalaki na may nakasukbit sa leeg na rubbershoes na pambata, madungis pero ang sapatos ay alagang-alaga. “ Sabi ni Ate ko, Magaling daw na negosyante si mang arturo, pero minsan paguwi niya sa bahay dala-dala ang ang bagong biling sapatos  ay nakita na lang niya na sunog na ang bahay nila at kasama ang kanyang buong pamilya, lumaking ulila ito ang buong buhay niya ay ang pamilya niya, ‘yan siya ngayon di na pinagpatuloy ang buhay, tanging ang sapatos na lamang ang kanyang inaalagaan.”

            “kami naman, galing pa kami sa probinsya, ulilang lubos na rin. Nakitira lang kami dito sa Lola ko, buti na lang at maraming libro sa kanila, yung mga pinaglumaan na ni Ama. Masipag si Ate at mahilig mag-aral. Sa umaga ay nagaaral si Ate habang sa gabi ay nag-titinda ng Sampaguita at kung anu-ano pang mga paninda, kaya sumasama na rin ako sa kanya.” Ipakita na masipag nga at mahilig magbasa si Narda, edukada ang Dalaga. “ Minsan, nagtataka rin ako, kasi may nakikita akong mga bata sa loob ng magarang sasakyan, pero malungkot siya, iniisip ko bakit kaya? Ang suwerte swerte nga niya eh.” Ipakitang nagaaway ang mga magulang ng bata sa loob ng kotse at nagtititigan sila nung bata at si Ding.

            “Pero may sekreto kami ng ate ko! Isang Tagapagtanggol ang Ate ko! Iyon ang sabi niyang tawag sa kanya eh. Lumalaki siya at nagkakaroon ng powers. Ang galing galing nga niya eh. Minsan sumasama nga ako sa kanya . Matapang yata ako pero minsan ang papangit ng mga kalaban ni Ate. Pero alam mo? Masarap talaga pag nakakatulong sa kapwa, minsan nga ang kalaban mismo ni ate ang tinutulungan niya eh.” Ipakita ang mga adventures nila ni Darna. ”Kaya ako? Malamang pag laki ko magiging Pulis ako, tulad ng tatay ko! Sabi ni Lola, wala daw kinatatakutan ang tatay ko… sayang wala na siya, pero nasa akin pa rin ang Medalya niya sa pagkakapulis, ang ganda nga eh.”

            “ Ikaw taga saan ka?” Isang maliit na fairy na babae ang kausap niya. “DING? DING!” sigaw ng lola. “ Naku tawag na ako ng Lola ko, ikaw uuwi ka na rin ba?” Tumango lang ang fairy na nakangiti  “ O paano? Hanggang sa muli ha? Paalam muna, Paalam!” Makikitang lumilipad na ang fairy, top shot ito at makikitang kumakaway si Ding.

Hanggang sa muling Pagkikita!

End of Last Chapter